مثوى،'

1..} بدأت يومي - على عكس ماكنت أتمنى - بخبر كئيب - طلاق أصغر خواتي - وكان ذا الخبر بالنسبة لي مثل الشعرة اللي قصمت ظهر البعير   توجهت لدوامي وأنا في حالة مايعلم بها إلا الله ، تحاملت على نفسي كثير عشان ما أنهار قدام أخوياي في العمل لكن بعد ما خلصت صلاة الظهر سجدت وفي داخلي دعوة واحدة وماكنت متخيل إن دمعتي بتسبقها ورددت طويلاً   " يا رب لاعلي ذنب إنك تغفرة " بكيت بصوت عالي لدرجة إن أخوياي خرجوا بسرعة من المسجد عشان لايحرجوني ، بعد ماحسيت إني ارتحت شوي قمت ومسحت دموعي وتوجهت للمكتب ولسان حالي يلعن الحياة وقلبي يستغفر . دخلت على أخوياي وكنت أتمنى إنهم يسألوني عشان أفضفض وأرتاح كلياً بس كان العكس تصرفوا معي ولا كأنه صار شيء وقبل ماينتهي الدوام توجهت لمكتب المدير وطلبت إجازة   - والسبب ؟!   - عندي ظروف خاصة .   - يومين تكفي ؟!   - اسبوع .   - بتنزل نجران ؟!   - لا طبعاً .   - دامه لا ليش تطلب إجازة . علمني وش فيك ؟'   -لو سمحت وقع الإجازة وخلني أطلع لأني مستعجل .   وأنا طالع من الشركة كتبت رسالة لأكبر خواتي لأني ماكنت ناقص أكلم أمي...